千萬富豪聽得多，但史上第一個『萬億富翁』好可能未來十年會出現！而呢個人，就係Elon Musk！
天價薪酬方案唔係普通出糧，而係一個『闖關遊戲』，要達成市值同營運兩大目標，先可以分批拎到股票。Musk要帶 $特斯拉 (TSLA.US)$ 市值衝上8.5萬億美元(而家約1.5萬億)，仲要達成四大難過登月的目標：年賣2000萬架車、1000萬FSD訂閱戶、100萬部Robotaxi、同100萬部Optimus機械人。一關都過唔到的話，就咩都冇。
但係，一個本身已經係世界首富嘅人，點解要搏到盡？答案好簡單：控制權。Musk而家持有特斯拉約13%股份，如果達成所有目標，就可以增加到25%——係一間大公司黎講25%已係有絕對話事權！
點解佢咁緊張權力？佢曾經係OpenAI創辦人，後來因為理念不合離開。呢份方案其實係Musk想要TESLA AI控制權嘅一個計劃。佢要確保未來十年，特斯拉嘅AI、機械人、自動駕駛，全部跟佢個劇本行！而Musk亦好現實講明，如果個方案唔通過，佢就離開特斯拉。試諗下，冇咗Musk嘅特斯拉，股價會點？所以某程度上，班股東係迫住要贊成...