【迎新專區】投資新手村：你的交易，由這裏輕鬆起步
【新手速成班】港股震蕩不敢進？這類月月派息ETF自帶「收租」功能，幫你防守兼賺息？
對於不少踏入中年的朋友同投資新手嚟講，近年嘅投資環境真係令人有啲無所適從。
銀行定存息口慢慢回落，資金放喺銀行越嚟越難追上通脹；
但如果想入市買股票收息，又怕大市成日「過山車」大上大落，平時返工或者照顧家庭已經夠忙，邊有時間日日𥄫住個市、慢慢睇財報揀股？
大家最想要嘅，其實只係一份安穩、唔使估估下嘅被動收入，可以每個月有錢落袋幫補下生活。
如果你都有呢啲煩惱，近年喺香港越嚟越受歡迎嘅「月月派息」ETF（特別係備兌認購期權 Covered Call ETF），就非常值得你留意。
呢類產品簡直係為咗追求現金流、想提早「自製長糧」嘅中年人，以及無暇盯盤、唔識揀個股嘅投資新手而設。
點解咁講？因為呢類ETF除咗賺取成分股本身嘅股息之外，仲會透過基金經理操作，賣出期權（Call）嚟賺取額外嘅「期權金」，從而支持每月的高派息。所以，就算喺「區間上落市」或者「溫和升市」嘅行情下，佢哋都可以發揮極強嘅防守力，做到真正嘅「財息兼收」。
既然呢類產品咁啱心水，到底市面上有咩選擇？其實目前港股市場已經有幾款針對唔同板塊嘅「月月派息」ETF，每款嘅費率同派息表現都各有特色，大家可以根據自己睇好嘅板塊嚟揀選：
1. 穩中求勝：國企指數備兌ETF
美國通脹壓力引發全球央行轉向鷹派，全球風險資產仍將面臨進一步調整壓力。國企指數從去年10月高位回調明顯，當前估值水平為上漲提供了一定的安全邊際。
【跟蹤什麼】同樣聚焦恒生中國企業指數，透過買入指數成分股並沽出認購期權賺取期權金。
【派息情況】旨在月月派息。
目前最新股息率（LFY）為18.1%，大約維持喺 7%-18%左右水平，同樣已經連續26個月實現月月派息，派息表現亮眼（註：2024年2月上市，未記錄6月4日派息情況）。
【管理費】0.75%
【適合哪類投資者】適合尋求穩定派息的投資者，想將國企股上落波動轉化為高息收入。
【特點】同樣係追蹤國指嘅傳統經濟股，勝在管理費較低，而且近期嘅年化派息率表現相當進取（約10.5%甚至更高）。喺區間震盪嘅市況下，佢豐厚嘅期權金就似一塊厚厚嘅海綿，可以完美吸收股價微調帶嚟嘅衝擊，為投資者提供極強嘅現金流心理支撐。
截至2026年5月27日，數據來源GlobalX官網及富途牛牛APP
【跟蹤什麼】主要追蹤國企指數並採用備兌策略，喺國企股上落市中鎖定利潤並轉化為高息。
【派息情況】旨在月月派息。
目前最新股息率（LFY）為7.04%，大約維持喺 7% 至 10% 左右水平，目標年化派息率22%，自上市以嚟已經錄得連續4個月穩定派息紀錄（註：2025年12月上市）。
【各項費用】0.99%
【適合哪類投資者】適合偏好南方東英發行商、想投資內地大型國企板塊（如內銀、能源）收息嘅投資者。
【特點】呢隻ETF集中投資恒生中國企業指數（國指），入面有大量傳統國企（例如內銀、中字頭能源股等），本身波動性比起科技股細得多。加上備兌策略每月派發約 8%-10% 嘅利息，喺「橫行上落市」或者「微跌市」中，佢嘅防守力非常唔錯，期權金可以有效抵銷國企股微跌嘅損失。
截至2026年5月27日，數據來源南方東英官網及富途牛牛APP
2. 押注香港大市：恒生指數及高息股ETF
如果你想廣泛投資香港最具代表性嘅大型藍籌股，或者偏好傳統香港高息股，就有以下兩款針對大市嘅選擇：
【跟蹤什麼】廣泛覆蓋恒指一眾大中型藍籌股，並疊加備兌認購期權策略。
【派息情況】旨在月月派息。
目前最新股息率（LFY）為14.7%，大約維持喺 6% 至 14% 左右水平，自上市以嚟已經錄得連續26個月穩定派息紀錄（註：2024年2月上市，未記錄6月4日派息情況）。
【管理費】0.75%
【適合哪類投資者】適合對香港整體大市有信心、但又怕大跌市，想增強防守力及獲取每月現金流嘅新手。
截至2026年5月27日，數據來源GlobalX官網及富途牛牛APP
【跟蹤什麼】聚焦30隻高息大中型股，呢隻ETF聚焦30隻高息大中型股。
【派息情況】旨在月月派息。
目前最新股息率（LFY）為6.67%，大約維持喺 2% 至 6% 左右水平，自上市以嚟已經錄得連續13個月穩定派息紀錄（註：2024年2月上市，未記錄6月9日派息情況）。
【管理費】0.55%
【適合哪類投資者】最啱鍾意傳統收息股、追求實打實企業分紅，唔想掂期權策略嘅穩陣派投資者。
截至2026年5月27日，數據來源恒生投資官網及富途牛牛APP
3. 捕捉科技紅利：恒生科技指數備兌ETF
大家通常覺得買科技股就無息收，但透過備兌策略，連科技板塊都可以做到月月派息！
【跟蹤什麼】聚焦騰訊、阿里等科網巨頭，透過賣出科指期權將科技股嘅高波動性轉化為期權金收益。
【派息情況】旨在月月派息。
由於科技股波動大，期權金較豐厚，最新股息率（LFY）為18.74%，大約維持喺7% 至 18% 左右水平，已經連續約13個月派息（註：2025年3月上市，未記錄6月4日派息情況）。
【管理費】0.75%
【適合哪類投資者】非常適合想保留科技股倉位，同時又想月月有現金流落袋嘅投資者。
截至2026年5月27日，數據來源恒生投資官網及富途牛牛APP
【需要注意什麼風險？】
恒生科技備兌 (03417.HK)：波動較大，需注意「賺息蝕價」風險
如果科技股板塊出現單邊大跌（例如受政策或宏觀經濟影響），就算你一年收齊15%嘅息，但股價跌咗30%，你整體依然係重傷。如果你心血少、怕波動，建議避免重倉呢隻ETF，可以配置其他標的分散風險。
國指 / 恒指備兌 (02802.HK, 03416.HK, 03419.HK)：溫水煮青蛙嘅風險
呢類ETF嘅投資集中於中國內地及香港市場，依然須承受集中風險以及新興市場嘅波動風險。佢哋最怕遇到「長期陰跌市」（即係每個月慢慢跌少少）。時間一長，期權金嘅補貼會冚唔住正股股價嘅流失，導致本金慢慢萎縮。
恒生高息股 (03466.HK)：息率回報較溫和
未使用期權策略，股價表現完全取決於嗰30隻傳統收息股，相較於採用備兌策略的月月派息ETF來說，息率較低。但大部分時間仍高於大多數收息正股。
【點樣喺富途買入？】
了解晒優點同風險，如果你都想開始幫自己建立每月現金流，喺富途牛牛App買入呢類ETF其實非常簡單：
1. 打開富途牛牛App，點擊下方菜單嘅「市場」。
2. 喺上方標籤選擇「ETF」，然後點擊「香港」市場，你會見到有「高股息ETF」等分類，方便一目了然做比較。
3. 最快嘅方法係直接點擊右上角嘅放大鏡（搜尋），輸入上方提到嘅股票代號。
4. 進入報價頁面後點擊左下角嘅「交易」，輸入你想買入嘅股數同價格，一按買入，就可以輕鬆做股東，等住每個月收息啦！
篩選邏輯：富途APP最近兩星期熱門派息ETF產品首5位，數據日期: 2026年5月13日至2026年5月27日。投資涉及風險，投資者應仔細閲讀基金資訊及相關文件(包括其風險因素)。
風險及免責聲明：以上內容僅代表作者個人觀點，不代表富途任何立場，亦不構成任何投資建議，富途對此不作任何保證與承諾。更多信息
評論（4）
發表評論
17
18